Каримовтың үлкен қызына тиесілі 131 млн доллар Өзбекстанға қайтарылады

Швейцария Гүлнәр Каримоваға тиесілі 131 миллион долларды Өзбекстанға қайтарады.

Өзбекстан Әділет министрлігінің баспасөз қызметінің мәліметінше, бұл қаржыға БҰҰ-ның қатысуымен елдің тұрақты дамуы қоры ашылған.

– Бұл Гүлнәр Каримова бастаған ұйымдасқан қылмыстық топтың бұрын заңсыз сатып алған және Швейцарияда заңдастырылған 131 млн долларды (шамамен 1,4 трлн сум) Өзбекстан халқына қайтаруға мүмкіндік береді, – деп жазылған хабарламада.

Ислам Каримовтың үлкен қызы Гүлнәр Каримова мемлекет қаржысын жымқырды деген айыппен түрмеде отыр. Сондай-ақ, оның шетелдегі активтері бұғатталған.

Фото: ашық дереккөз

• 33
• 33