Қарақалпақстан халқы егемендігі үшін бас көтерді

Қарақалпақстанда конституциялық реформаларды дұрыс түсіндірмеу салдарынан наразылық шеруі өтті. Өзбекстан ІІМ қоғамдық тәртіп қалпына келтірілгенін хабарлады.

Елдің қолданыстағы Конституциясында Қарақалпақстан халықтың жалпы референдумы негізінде Өзбекстан құрамынан шығу құқығына ие егемен республика ретінде көрсетілген. Жақында ел Конституциясына түзетулер жобасына сәйкес бұл ережелерді алып тастау ұсынылған.

Қарақалпақстанда интернет өшірілген, соның салдарынан адамдардың оқиға орнынан бейнежазба мен фотосурет бөлісуге мүмкіндігі жоқ.

Кешкі уақытта митинг жалғасты, дегенмен полиция наразы топтың тарап кеткенін хабарлады. Қауіпсіздік күштері наразылық білдірушілерді тарату үшін суатқыштарды, резеңке оқтарды және көзден жас ағызатын газды қолданған.

• 54
• 50