Қазақстанда сары май қымбаттады

Қазақстанда жыл басынан бері сары май 15 пайызға қымбаттады. Energyprom.kz сарапшыларының мәліметінше, жыл басынан шілде айына дейін елдегі сары май өндірісі 13,9 мың тоннаны құрады.

Бұл өткен жылмен салыстырғанда 12,6 пайызға аз. Бұған дейін өндіріс көлемі 31,9 пайызға өскен.

Жыл басынан бері қазақстандық май зауыттары сары майға деген сұранысты 71 пайызға қамтамасыз етті.

Елдің ішкі нарығында сары майды сату 2022 жылғы қаңтар мен мамыр айларында 19,9 пайызға, 12,5 мың тоннаға дейін өсті.

2022 жылдың шілде айының қорытындысы бойынша сары майдың бағасы бір айда 1,2 пайызға өсті. Жыл басынан бері баға бірден 14,7 пайызға өсті.

Ел бойынша тұздалмаған сары майдың бөлшек сауда құны биылғы жылдың шілде айында бір килограмм үшін 3,3 мың теңгеге жетті. Ірі қалалар бойынша баға Павлодарда 2,7 мың теңгеден Атырауда 4,3 мың теңгеге дейін жетті.

Жыл басынан бері сары май Маңғыстау облысында бірден 29 пайызға қымбаттады. Одан кейінгі орында Шымкент пен Жамбыл облысы тұр.

Фото: Zira

• 100
• 127