Қазақстандық шахматшы дүниежүзілік шахмат олимпиадасына барудан бас тартты

Қазақстандық шахматшы Динара Сәдуақасова Дүниежүзілік шахмат олимпиадасына барудан бас тартты.

Спортшы шешімі туралы әлеуметтік желіде жазды.

– Осы жазда мен Үндістандағы Дүниежүзілік шахмат олимпиадасына қатысудан бас тарту туралы шешім қабылдадым. Бірқатар жағдайларға байланысты мен жауапты іс-шараға дайындала алмадым. Бірақ мен алдағы жарыстарға міндетті түрде қатысамын. Әрине, бүгін барлық қазақстандық спортшыларға сәттілік тілеймін. Әріптестерім лайықты өнер көрсетіп, жоғары кәсіби деңгейін көрсете алатынына сенімдімін, – деп түсіндірді Сәдуақасова өз шешімін.

Дүниежүзілік шахмат олимпиадасы Үндістанның Ченнай қаласында 28 шілде мен 10 тамыз аралығында өтеді. Қазақстан әйелдер құрамасының құрамына Сәдуақасовадан басқа Жансая Әбдімәлік, Бибісара Асаубаева, Меруерт Камалиденова және Гүлісхан Нахбаева бар.

Фото: instagram.com/dinara.saduakassova

• 40
• 36