Қорғаныс министрлігі әскердегі қауіпсіздікті қамтамасыз етуге міндетті – Тоғжанов

Премьер-министрдің орынбасары Ералы Тоғжанов Қазақстанда мерзімді әскери қызметтен бас тарту туралы сұраққа жауап берді.

Журналистер Үкімет отырысынан кейін Ералы Тоғжановтан тек келісімшарт бойынша қызмет қалдырып, мерзімді қызметкерлерді әскерге шақырудан бас тарту мүмкіндігі туралы сұрады.

– Менің ойымша, мерзімді қызметтен бас тарту дұрыс емес. Жастар әскери қызметтен өтуге тиіс. Барлық мүдделі мемлекеттік органдар, бірінші кезекте Қорғаныс министрлігі балалардың қауіпсіздігін қамтамасыз етуге міндетті, — деп жауап берді вице-премьер.

Сондай-ақ, Тоғжанов Отардағы 25171 әскери бөлімінде қызмет еткенін атап өтті және әскерде түрлі жағдай болғанын еске алды.

– Әр түрлі жағдайлар болды, сарбаздардың өлімі де болды. Ол кезде әскери қызмет жалпыға бірдей міндетті болды. Бүгінде мұндай міндеттеме жоқ. Қазір жыл сайын 35 мың баланы әскери қызметке жібереміз, — деді ол.

• 54
• 98