Қырғызстан мен Тәжікстан шекарасында атыс болды

Контекст дня — 14 июня 2022 15:10

0 -1

Қырғызстан мен Тәжікстан шекарасында әскери қызметкерлер арасында атыс болды.

Бұл туралы Қырғыз Республикасы Ұлттық қауіпсіздік мемлекеттік комитетінің Шекара қызметі хабарлады.

– Мемлекеттік шекараның қырғыз-тәжік учаскесінде Қырғыз Республикасы мен Тәжікстан Республикасының шекара жасақтары арасында атыс болды. Шамамен 6:50-7:00-де Баткен облысы Баткен ауданының Бұлақ-Башы елді мекенінде Тәжікстан Республикасы ҰҚКҰ ПВ «Кех» шекара бекеті жағынан ҚР ҰҚКҰ ҚС «бұлақ-Башы» шекара бекеті жағына оқ атылды, — делінген ҚР ҰҚКҰ Шекара қызметінің Ақпарат және коммуникациялар басқармасының хабарламасында.

Жауап ретінде қырғыз тарапынан тәжік бекетіне қарай оқ атылған. Тәжік тарапы болған оқиғаға қатысты әзірге түсініктеме берген жоқ.

Айта кетейік, бұған дейін Қырғызстан мен Тәжікстан шекара аумағынан әскерін шығаруға келіскен еді.

Фото ашық деректерден