ҰҚШҰ тарапынан бірде-бір оқ атылған жоқ – Тоқаев

Қасым-Жомарт Тоқаев Ұжымдық қауіпсіздік туралы шарт ұйымы (ҰҚШҰ) туралы айтып, қауесеттерді жоққа шығарды.

– 30 жыл ішінде алғаш рет ҰҚШҰ шектеулі контингентті Қазақстанға жіберу арқылы өзін танытты. Мен Ресей емес, ҰҚШҰ-ны атап өтемін. Ресейде кейбір адамдар бұл жағдайды бұрмалап, Ресей Қазақстанды құтқарды, Қазақстан енді Ресейге тағзым етуі керек дегенді айтады. Менің ойымша, бұл мүлдем негізсіз, — деді Тоқаев Ресейдің мемлекеттік арнасына берген сұхбатында.

Оның айтуынша, бұрын бұл ұйым саммиттер өткізумен, декларацияларға, мәлімдемелерге қол қоюмен айналысқан. Яғни, ұйым өзін 2022 жылдың қаңтарында Алматыда өте батыл көрсетті.

Оның үстіне, біз басынан бастап контингенттің күштік әрекеттерге қатыспайтыны туралы келістік. Шынында да, ҰҚШҰ шектеулі контингенті тарапынан бірде-бір оқ атылған жоқ және олар мұнда 10 күндей ғана болды. Яғни, бұл өте қиын жағдайда біздің бірлігіміздің көрінісі болды, — деп түйіндеді Тоқаев.

Фото ашық деректерден