Біртановтың адвокаты сот шешіміне қарсылық білдірді

Елордада Денсаулық сақтау министрлігінің бұрынғы басшысы Елжан Біртанов пен оның бұрынғы орынбасары Олжас Әбішевтің қылмыстық ісі бойынша сот талқылауы жалғасуда.

Экс-министрдің адвокаты Нұрлан Бейсекеев куәгер ретінде Асқар Ақбаевтан жауап алу туралы қайта өтініш білдірді және оны жәбірленушінің өкілі ретінде процеске қатысудан шеттетуді сұрады. Сот бас тартты.

Экс-министр 526 миллион теңге бюджет қаржысын жымқырды деген күдікке ілінді. Ақша денсаулық сақтау жүйесінің байланысын қамтамасыз ету және ақпарат платформаларын сатып алуға бөлінген. Қылмыстық кодекстің 189-бабына сәйкес («Сенiп тапсырылған бөтен мүлiктi иемденiп алу») тергеу жүргізіліп жатқаны айтылған.

Елжан Біртанов денсаулық сақтау министрлігін үш жарым жыл, 2017 жылдың 25 қаңтарынан 2020 жылдың 25 маусымына дейін басқарды.

• 72
• 95