Қазақстан 2030 жылға қарай мұнай өндіруді 104,2 млн тоннаға арттырады

2030 жылға қарай Қазақстан мұнай өндіруді қазіргі 85,7 миллион тоннадан 104,2 миллион тоннаға дейін арттырады. Бұл туралы Энергетика министрі Мағзұм Мирзағалиев айтты.

— 2021 жылдың соңына қарай мұнай өндіру көлемі 85,7 миллион тонна, экспорт — 67,6 миллион тонна болады деп күтілуде. Жоспар бойынша елімізде мұнай өндіру 2030 жылға қарай өсіп, 104,2 миллион тоннаға жетеді, — деді Мирзағалиев.

Министрдің айтуынша, мұнай өндіру бойынша межеге жету бірқатар жобалар арқылы қамтамасыз етіледі. Олардың қатарында Теңіз кен орнындағы болашақ кеңейту жобасы бар, соның арқасында мұнай өндіру 2024 жылдан бастап жылына 12 миллион тоннаға артады.

Тағы бір жоба – Қарашығанақ кен орнындағы өндіру шельфін сақтау жобасы, соның арқасында мұнай өндіру жылына 11-12 миллион тонна деңгейінде сақталады.

Үшіншіден, бұл Қашаған кен орнында 3 миллиард текше метр тауарлық газ өндіруге және мұнай өндіруді жылына 16-дан 20 миллион тоннаға дейін арттыруға мүмкіндік беретін газ өңдеу зауыттарының құрылысы.

Мирзағалиевтің айтуынша, 2028 жылдан бастап жылына 4 миллион тонна мұнай өндіруге мүмкіндік беретін Каспий теңізіндегі «Хазар» және «Қаламқас-теңіз» кен орындарын игеру жобасы бойынша да биылғы жылы жұмыстар басталып кетті.

• 100
• 112