Тоқаев Үкімет басшысын қабылдады

Президенті Қасым-Жомарт Тоқаев Үкімет басшысы Әлихан Смайыловты қабылдады.

Кездесу барысында премьер-министр елдегі қазіргі әлеуметтік-экономикалық ахуал мен Украинадағы соғыс жағдайының ұлттық валютаға кері әсеріне қатысты ҚР Ұлттық банкімен бірлесіп қолданып жатқан шаралар туралы баяндады.

Қасым-Жомарт Тоқаев халықаралық аренадағы соңғы жағдайларға байланысты экономиканы дамытудың антидағдарыстық жоспарының маңызды тұстарынан хабардар болды.

— Президентке «Қаңтар оқиғасының» кезіндегі зардап шеккен нысандарға өтемақы төлеу, мемлекеттік ғимараттарды қайта қалпына келтіру жұмыстары туралы айтылды, — делінген ресми хабарламада.

Сонымен қатар, Үкімет басшысы мемлекет басшысына ауыл шаруашылығы өнімдерін өндіретін нысандар мен кедендік әкімшілікті субсидиялау мәселелері туралы ақпарат берді.

• 100
• 118