Көлгінов LRT-ні аяқтауға қанша қаражат керек екенін айтты

Орталық коммуникациялар қызметінде өткен брифингте Нұр-Сұлтан қаласының әкімі Алтай Көлгінов LRT жобасын аяқтау үшін қанша қаражат қажет екенін айтты.

БАҚ өкілдері бұған дейін LRT бағаналарын бөлшектеу ұсынылғанын еске салды.

– Бөлшектеуді ұсынған адамдар сандарды көргенде бас тартты. Көп ақша жұмсалды. Және жоба аяқталған жоқ. Өкінішке орай, мұндай мәселе бар. Жоба табыс әкелмейді. Бұл субсидияланатын қоғамдық көлік түрі. Бұл әлеуметтік жоба. Бизнес-жоба емес. Экономикалық тұрғыдан пайда болмайды, – деді Алтай Көлгінов.

Сондай-ақ, LRT бойынша бар қарыздарды төлеу үшін қанша уақыт қажет екенін түсіндірді.

– Қазіргі міндеттемелер бойынша біз бес жыл ішінде бұл қарызды қайтаруға тиіспіз. Қаржыландыру көзі туралы мәселені шешу керек, пандемия кезінде барлық банктер жұмысын тоқтатты. 2021 жылы жобаны қалпына келтіру басталған кезде бірнеше банктермен жұмыс істедік, бірақ олар бас тартты, – деді Көлгінов.

Фото: Sputnik

• 55
• 44