Мәскеуде Ахмет Байтұрсыновтың 150 жылдығын атап өтті

Қазақстанның Ресейдегі Елшілігінде қазақтың көрнекті ағартушысы, ғалым Ахмет Байтұрсыновтың 150 жылдығына арналған кездесу өтті. Кездесуге Мәскеудегі қазақ диаспорасының өкілдері, сондай-ақ қазақстандық студенттер қатысты.

Жиналғандар қоғам қайраткерінің шығармаларын оқыды. Ахмет Байтұрсынов қазіргі қазақ тілінің дамуына зор ықпал еткен, отандық лингвистиканың негізін қалаушы және алғашқы қазақ оқулықтарының авторы болды.

– Біз қазақ халқының кемеңгер ұлы Ахмет Байтұрсыновты еске алу кешін өткіздік, оның тұлғасына саяси жолымен емес, ақындық, педагогикалық жолымен қарадық. Ахмет Байтұрсыновтың абайтанудың негізін қалаушы болғанын да ұмытпауымыз керек, – деді Мәскеудегі Қазақ ұлттық-мәдени автономиясының вице-президенті Талғат Мықтыбаев.

Фото: ашық дереккөз

• 38
• 36