Қаңтар оқиғасы: ҚазҰУ ректорының ұлын атып өлтірген сарбаз сотталды

Алматы әскери сотында қаңтардағы тәртіпсіздіктер кезінде бейбіт тұрғындардың көлігіне оқ жаудырған әскери қызметшіге үкім шығарылды, деп хабарлайды Exclusive.kz.

Қаңтар оқиғасы кезінде Әл-Фараби атындағы ҚазҰУ ректоры Жансейіт Түймебаевтың ұлы Елнар Қансейіт әскерилердің оғынан қаза тапқан еді.

Сот Талдықорған десанттық-шабуылдау бригадасының 33 жастағы қызметшісі Серікбол Мұратхановты «лауазымдық өкілеттігін асыра пайдалану» бабы бойынша алты жарым жылға бас бостандығынан айыруға үкім шығарды.

Фото: gov.kz