Қаңтарда жұмыс орнынан кетіп қалған Күдебаев сотқа мәжбүрлеп жеткізіледі

Алматы облысы полиция департаментінің экс-басшысы Серік Күдебаев сотқа мәжбүрлі түрде жеткізіледі, деп хабарлайды Exclusive.kz.

Жетісу облыстық соты хабарлағандай, Күдебаевтың сырқатын растайтын мәлімет жоқ.

– С. Күдебаевқа қатысты қылмыстық іс бойынша сот талқылауы 3 сәуірге сағат 10.00-ге кейінге қалдырылды. Сотталушының сот отырысына келмеді. Сотталушының дәлелді себептерін растайтын мәліметтер жоқ. Осыған байланысты сот Күдебаевты көрсетілген уақытқа мәжбүрлеп әкелу туралы қаулы шығарды, – деп хабарлады облыс сотының баспасөз қызметі.

Еске салайық, Алматы облыстық полиция департаментінің бұрынғы басшысы Серік Күдебаев қаңтар оқиғасы бойынша күдікті деп танылды.

Фото: NUR.KZ