Алматы мен Астанада Ресей әртісі Галкиннің концерті өтпейтін болды

Алматы мен Астанада 8 және 9 қазан күндері Ресей әртісі Максим Галкиннің концерті өтуі керек еді. Бірақ сахна және коммуникациядағы мәселелерге орай концерт өтпейтін болды, деп хабарлайды Exclusive.kz тілшісі.

Концерт залы сахна механикасының апатты жағдайына байланысты 1 қазаннан бастап барлық іс-шараларды өткізу тоқтағанын хабарлады. Жөндеу жұмыстары екі аптаға созылады.

Әкімшілік жөндеу жұмыстарын тезірек аяқтау үшін шаралар қабылдауға уәде берді. Ал елордадағы концерт залы әкімдік жоспарлаған құрылыс жұмыстарына байланысты іс-шараларды кейінге қалдырып отыр.

Фото: ашық дереккөз