Алматы соты «Дикий Арманға» қатысты шешім шығарды

Сот Арман Жұмагелдиевті (Дикий Арман) қамауға алу мерзімін 12 айға дейін ұзартты. Бұл туралы Алматы қалалық сотының баспасөз қызметі хабарлады.

– 6 желтоқсанда Алматының мамандандырылған ауданаралық соты тергеу өтінішін қарап, Жұмагелдиевті қамауда ұстау мерзімін 12 айға дейін, яғни 2023 жылғы 7 қаңтарға дейін ұзартты, – деп жазылған хабарламада.

Еске салайық, 11 қаңтарда Алматыда арнайы операция барысында Арман Жұмагелдиев ұсталып, сот шешімімен 2 айға қамауға алынды. Оның алдында 7 қаңтарда Алматыдағы арнайы операция барысында «Дикий Арман» бастаған ұйымдасқан қылмыстық топтың алты мүшесі ұсталғаны белгілі болды.

Содан бері Жұмагелдиевті қамауда ұстау мерзімі бірнеше рет ұзартылды.

Фото: instagram/armandzhumageldiev