Алматыда 3 баллдық жер сілкінісі тіркелді

Бүгін ҚР ТЖМ «Сейсмологиялық бақылаулар және зерттеулер ұлттық ғылыми орталығы» ЖШС сейсмикалық станциялар желісімен жер сілкінісі тіркелді, деп хабарлайды Exclusive.kz тілшісі.

Жер сілкінісінің эпицентрі Алматы қаласынан оңтүстік-шығысқа қарай 276 км жерде орналасқан Қытай аумағында — афтершок.

– Сезгіштігі туралы мәліметтер: Алматы қаласында 3 балл. Зардап шеккендер мен қиратулар туралы ақпарат болған жоқ, – деп жазылған ТЖМ хабарламасында.

Қазіргі уақытта жағдай тұрақты. ТЖМ азаматтарға сабыр сақтап, дүрбелеңге берілмеуге кеңес береді.

Фото: ашық дереккөз