Қарағанды облысында сотталған азамат GGG портретін салды

Қарағанды облысы мен Ұлытау облысы бойынша ҚАЖД №29 мекемесінде жазасын өтеп жатқан суретші Геннадий Головкиннің портретін салды.

Портрет Геннадий Головкин атынданы Қарағанды қаласының дене шынықтыру-сауықтыру кешеніне берілді.

№29 мекемедегі жазасын өтеушілер Геннадийдің Альвареспен жекпе-жегі олардың көңіл-күйін түсірмеген, керісінше Қазақстан чемпионына қолдау білдірген.

Еске салайық, 18 қыркүйек күні Қазақстандық боксшы Геннадий Головкин мексикалық қарсыласы Сауль Альварестен жеңіліп қалды.

Жекпе-жек Лас-Вегас (АҚШ) қаласындағы T-Mobile кешенінде өтті. Он екі раундқа жоспарланған кездесу соңына дейін жалғасып, төрешілердің бірауыздан қабылданған шешімімен Сауль Канело Альварес жеңімпаз атанды.