Астанада II Елизавета атындағы саябақ ашылады

Контекст дня — 13 марта 2023 18:30

0 -1

2022 жылдың қыркүйегінде ҚР Сыртқы істер министрлігі Астанада Ұлыбритания патшайымы Елизавета II атындағы саябақ ашылатыны туралы хабарлаған еді. Саябақтың қай уақытта ашылатыны белгілі болды, деп хабарлайды Exclusive.kz.

2023 жылғы 17-18 наурызда Ұлыбритания және Солтүстік Ирландия Құрама Корольдігінің Сыртқы істер, достастық және даму министрі Джеймс Клеверлидің Қазақстанға сапары өтеді.

Астанада Дж. Клеверли Президент Қасым-Жомарт Тоқаевтың және Премьер-Министр Әлихан Смайыловтың қабылдауларында болады, сонымен қатар Қазақстан сыртқы саяси ведомствосының басшылығымен келіссөздер ұйымдастырылады.

– Сапар аясында Астана саябақтарының бірінде II Елизавета атындағы сквердің ашылуы көзделуде, – деді ҚР СІМ ресми өкілі Айбек Смадияров Астанада өткен брифингте.

Фото: ашық дереккөз