Астанадағы LRT құрылысын қаржыландыруға 20 млрд теңге бөлінді

Үкімет басшысы Әлихан Смайылов ҚР Парламенті Мәжілісі отырысының аясында өткен брифинг барысында БАҚ өкілдерінің сұрақтарына жауап берді.

Смайылов шетелдік компаниялардың Қазақстанға келуі туралы айтты. Оның пікірінше, 56 компания Қазақстанда жұмыс істеуге ниетті.

– Үкімет аймақтық өндірістері мен кеңселерін көшіруді егжей-тегжейлі зерттеу үшін 300 ірі фирма тізімін жасады. Бүгінгі таңда 56 компания біздің елімізде жұмыс істеуге ниет білдіріп отыр. Олардың орналасу шарттары, уақыты және орны бойынша жұмыс жүргізіліп жатыр. Қазақстанға «көшіп келген» компаниялар арасында Honeywell, inDriver, Fortescue, Marubeni және басқалары бар, – деді Смайылов.

Сондай-ақ брифингте Astana LRT жобасын қаржыландыру туралы сөз болды.

– Астанада жеңіл рельсті көлік жүйесінің (LRT) құрылысы оңтайландырылған түрде жалғасады. Жобаны қаржыландыру кезең-кезеңімен жүзеге асырылады. Күзде жұмыстарды жүргізуге 20 млрд теңге бөлінді, – деді ол.

Фото: Imaginechina / AP