«Қатемді түсіндім»: Жедел жәрдем жүргізушісін ұрған жігіт кешірім сұрады

Қарағандыда жедел жәрдем жүргізушісіне қол көтерген күдікті Нұрболат Дакебаев көпшіліктен кешірім сұрады, деп хабарлайды Exclusive.kz тілшісі.

Бас прокуратураның баспасөз қызметі күдікті ұсталғанын хабарлады. Нұрболат Дакебаев бейнежазбаны ұсталғанға дейін түсірген.

– 1 ақпанда полицияға өзім барып берілмекшімін. Жасап қойған қиянатым маза бермей жатыр. Анамнан да, бәрінен кешірім сұраймын. Ақ халаттылардан кешірім сұраймын. Менің зиын тигізем деген ойым болған жоқ. Мұндай ой болмаған да, болмайды да. Қол жұмсап, менен жәбір көрген бауырымнан кешірім сұраймын. Мұсылман бауырлар мені кешіріп қойыңыздар. Мен өз қателігімді түсініп отырмын. Алла разылығы үшін кешіріңіздер, – деді ол.

Коллаж: Qaz365.kz