Атырау облысында өртенген қамысты сөндіру жұмыстары жалғасып жатыр

Бүгін Атырау облысында Каспий теңізінің жағалауында, Құрманғазы ауылынан 40 км жерде, Құрманғазы орманшылығының аумағында 100 га алаңда қамыс өсімдіктері жанды, деп хабарлайды Exclusive.kz тілшісі ТЖМ баспасөз қызметіне сілтеме жасап.

Тілсіз жауды ауыздықтауға Құрманғазы ауданының №7 өрт сөндіру бөлімінің, Орман шаруашылығының, ЖАО-ның 36 адамы, 5 мотопомпасы, 1 техникасы, 4 мотоқайығы тартылған.

– Қазіргі уақытта өртті сөндіру жұмыстары жалғасуда. Елді мекендерге қауіп жоқ. Батпақты жер мен қамыстың тығыз қалың өсуі өртті сөндіруге қиындық туғызуда, техниканың баруына кедергі келтіруде, – деп жазылған хабарламада.

Фото: ашық дереккөз