Ауасы ластанған Атырау тұрғындары билікке үндеу жасады

Бүгін, 9 сәуір күні Атырауда алғаш рет экология мәселесіне қатысты митинг өтті, деп хабарлайды Exclusive.kz AtyrauPress-ке сілтеме жасай отырып.

Атырауда қаланың экологиялық мәселелеріне назар аудару үшін «Мұнайшы» стадионының алдына 400-ге жуық адам жиналған.

Наразылық білдірушілердің қолында «өкпеге дем жетпейді», «Атырау тынысы», «экология пайдадан қымбат», «АМӨЗ бізді улама», «ҚР Экологиялық Кодексінің 198-бабының орындалуын талап етеміз» деген жазулары бар плакаттар болды.

Айта кетейік, Атырауда ауаның ластану деңгейі ең жоғары мөлшерге жетті. Ауадағы көміртегі тотығы нормадан 130 есе артық.

Фото: azh.kz