Қазақстан Түркиямен бірлесіп жауынгерлік кеме жасайды

Қазақстан Түркиямен бірлесіп жауынгерлік кемелер жасау туралы келісімге келді, деп хабарлайды Exclusive.kz.

Defence Turk мәліметінше, IDEF 2023 қорғаныс өнеркәсібінің 16-шы халықаралық көрмесінде Түркия Қорғаныс министрлігімен ASFAT және YDA Group түрік мемлекеттік мердігерлері мен «Зенит «Орал зауыты» АҚ қазақстандық мемлекеттік компаниясы арасындағы келіссөздер аяқталды.

Бұл келісім теңіз көліктерін, коммерциялық кемелерді және Қазақстан флотына арналған негізгі жауынгерлік кемелерді жобалау және құрауды қамтиды.

Көрмеде қазақстандық инженерлік зерттеулер орталығы мен Анкарада орналасқан түрік қорғаныс технологиялары компаниясы Meteksan арасындағы ынтымақтастық туралы келісімге қол қойылды.

Фото: ашық дереккөз