Қазақстанда бұқтырылған киік еті сатыла бастады

Қостанай облысындағы Арқалық ет комбинатында консервіленген ақбөкен еті сатылып жатыр, деп хабарлайды Exclusive.kz тілшісі.

Шикізат кәсіпорынға өнеркәсіптік аулау бағдарламасы бойынша әкелінеді. Хабар 24 дерегінше, зауытта күніне бір тонна ет өңделіп, 2,5 мың банка дайын өнім алынады.

Айта кетейік, бұл Қазақстандағы ақбөкен етінен жасалған алғашқы бұқтырылған ет. Дайын өнім бүкіл ел бойынша сауда желісі арқылы таратылады.

Бұдан бөлек, құнды саналатын ақбөкен мүйізі таңбаланып, арнайы мемлекеттік кәсіпорындарда 2025 жылға дейін сақталып, кейін сатылады. Зауытқа жіберілетін ет ет ауру мен инфекцияға тексеріледі.

Фото: ашық дереккөз