Қазақстанда сүт бағасы қымбаттады

Көптеген азық-түлік өнімдерінің қымбаттауы сүт саласына да әсер етті. Сарапшылар сүт бағасының қымбаттағанын айтты.

Қазақстанда инфляция ай сайын рекорд жасайды. Мысалы, биылғы жылдың маусым айында елдегі айлық инфляция 1,6%-ды құрады, бұл соңғы 5 жылдағы маусымдық инфляцияның орташа мәнінен жоғары.

Energy Prom сарапшыларының мәліметінше, биылғы жылдың маусым айының қорытындысы бойынша сүт бағасы бір айда 2,4%-ға, жыл басынан бері 17,2%-ға және бір жылда 21,5%-ға өсті.

Биылғы жылдың қаңтар-мамыр айларында сүт пен кілегей өндірісі 235,3 мың тоннаны құрады, бұл бір жыл бұрынғыға қарағанда 7%-ға аз.

Фото: Росконтроль