Қазақстандағы барлық кен орындары тексеріліп жатыр

Бүгін Үкімет отырысы өтіп, Қазақстанның геология саласын одан әрі дамыту шаралары қаралды, деп хабарлайды Exclusive.kz тілшісі.

Смайылов геология саласын дамыту еліміздің минералдық шикізат базасын толықтырудың және отандық өңдеу өнеркәсібін шикізатпен қамтамасыз етудің негізі болып табылатынын атап өтті.

Айта кетейік, геологиялық материалдардың ашық қолжетімді болуын қамтамасыз ететін цифрлық ақпараттық онлайн-платформа іске қосылды.

– Қазір барлық кен орындары тексерілуде. Өз міндеттемесін орындамайтын жер қойнауын пайдаланушы компаниялардан лицензиялар алынып, келісім-шарттар бұзылуда, – деді Әлихан Смайылов.

Үкімет басшысының пікірінше, елде білікті геологтар мен геодезист мамандар тапшы.

Фото: ашық дереккөз