Қазақтелекомнан 643,1 млн теңге ұрлаған бухгалтер бостандыққа шықты

Ұлттық телекоммуникациялық компания филиалының бухгалтері 2015-2022 жылдар аралығында негізсіз аударымдар арқылы 643 млн теңгеден астам қаражатты қолды қылған, деп хабарлайды Exclusive.kz тілшісі.

Ол ақшаны букмекерлік кеңселерге және мүгедек баланы емдеуге жұмсаған. Куәгерлердің айғақтары, аудиторлық қорытындылар және сараптама қорытындылары арқылы сотталушының кінәсі анықталды.

Аса ірі соманы ұрлағаны үшін оған 7 жыл шартты түрде жаза тағайындалды. Оны тұрғылықты жері бойынша пробация қызметінде тіркелуі тиіс. Сотталушы залалды толығымен өтеді.

Фото: ашық дереккөз