Азия ойындары: Қазақстан қоржынына алғашқы алтын медаль түсті

Қытайда өтіп жатқан Азия ойындарында әйелдер құрамасы стенд атудан алтын медаль иеленді, деп хабарлайды Exclusive.kz тілшісі.

Командалық есепте жеңіске жетіп, Қазақстан қоржынына олимпиададағы алғашқы алтын медальді салған спортшылар: Зоя Кравченко, Әсем Орынбай және Ольга Панарина.

Айта кетейік, Азия ойындары 23 қыркүйек пен 8 қазан аралығында Қытайдың Ханчжоу қаласында өтеді. Қазақстаннан 525 спортшы аттанды.

Фото: ашық дереккөз