БАӘ Ресей мен Украина арасындағы тұтқындар алмасуда делдалдық қызмет ұсынды

БАӘ-нің жоғары лауазымды өкілдері Ресей Федерациясына Украинамен тұтқындар алмасуға жәрдемдесу туралы ұсыныс жасады.

– БАӘ-нің жоғары лауазымды өкілдері Украинадағы жағдайды ескере отырып, Ресей тарапына тұтқынға түскен ұсталған адамдарды айырбастауға көмек көрсету туралы ұсыныспен жүгінді. БАӘ делдалдығымен ұсынылған ұсыныстар украин тарапымен әскери тұтқындардың тізімін жасау кезінде ескеріледі, – деді ақпарат көзі.

Бұған дейін Украина соғыс аяқталған соң ресейлік тұтқындарды босатуға әзір екенін айтқан. Бұл туралы елдің сыртқы істер министрлігі мәлімдеді.

– Украина тарапы, халықаралық келесімшартта көрсетілгендей, әскери іс-қимыл толық тоқтаған соң ресейлік тұтқындарды босатып, елге қайтаруға әзір. Дегенмен Украина әскерилер мен өзге де күштік құрылым сарбаздарын қамауға алып, қылмыстық жауапқа тарта алады, – делінген министрлік мәлімдемесінде.