Батыр Жүкембаев қарсыласын нокаутпен жеңді

Қазақстандық боксшы Батыр Жүкембаев Алматыда өткен бокс кешінде қарсыласы Холани Мкотелиді жеңді. Жүкембаев бірінші жартылай орта дивизионда өнер көрсетті.

Жекпе-жек 10 раундқа жоспарланған еді, бірақ 6-шы раундта Жүкембаев қарсыласын нокаутқа жіберді.

Осылайша қазақстандық боксшы мансабындағы жиырмасыншы жеңісіне қол жеткізді. Айта кетейік, бұл Батыр Жүкембаевтың Қазақстанда өткізген алғашқы жекпе-жегі. Бұған дейін 31 жастағы боксшы барлық жекпе-жектерін Канада мен АҚШ-та өткізген.

Фото: ашық дереккөз