Беларусь ШЫҰ-ға мүше болуға өтінім дайындады

Беларусь Шанхай ынтымақтастық ұйымына мүшелікке өтуге өтінім дайындады. Мұны Ресей президентінің ШЫҰ жөніндегі арнайы өкілі Бахтиер Хакимов мәлімдеді.

ТАСС агенттігінің мәліметінше, Бахтиер Хакимов Беларусь СІМ бас басқармасының бастығымен кездескен.

– Маусымның 8-і күні Беларусь СІМ бас басқармасының бастығымен консультация өткіздім. Ол Беларусь тарапы оларды ШЫҰ-ға жедел қабылдауды сұрайтынын және ұйымға өтініш беру бойынша президентке ұсыныс дайындалғанын атап өтті. Оның айтуынша, бұл өтініш ведомствоаралық форматта әзірленіп, оны республиканың Министрлер кабинеті мақұлдаған, — деді Хакимов Ташкентте өтіп жатқан ШЫҰ отырысында.

Фото ашық деректерден