Белгілі кәсіпкер Алмаз Әбдіғаппаров сотталды

Алматыда кәсіпкер Алмас Әбдіғаппаровқа сот үкіміә шықты. Медеу ауданы №2 аудандық сотының баспасөз қызметі Parmigiano Group иесі Алмас Әбдіғаппаровқа үкім туралы ақпаратты растады.

Сот үкімімен кәсіпкер өзіне сеніп тапсырылған мүлікті ұрлағаны үшін кінәлі деп танылды. Сондай-ақ, бес жыл мерзімге қаржы ұйымдарында басшылық лауазымдарды атқару құқығынан айырылды және жеті жыл бас бостандығынан айыру жазасы тағайындалды.

– Сот 2021 жылдың наурыз айында А. Әбдіғаппаров Esentai City тұрғын үй кешенінде орналасқан пәтерлер мен тұрғын үйлерді (виллаларды) салумен, өткізумен айналысатын AV-Construction ЖШС коммерциялық мәселелер бойынша директордың орынбасары бола отырып, компанияның материалдық жауапты және сенімді тұлғасы ретінде клиентпен жылжымайтын мүлікті сатып алуға шарт жасағандығын анықтады, — деп хабарлады соттың баспасөз қызметі.

Еске салайық, 2021 жылдың 27 шілдесінде қалалық сотта белгілі кәсіпкер, Parmigiano Group басшысы Алмас Әбдіғаппаровтың ұсталғаны туралы ақпарат расталды.

Фото ашық дерек көздерінен

• 46
• 46