«Әбілов пен Тұяқбай»: Қамауда отырған Жұмагелдиев үндеу жасады

Қазнетте қаңтар айының басында қамалған Арман Жұмагелдиевтің бейнеүндеуі пайда болды.

«Дикий Арман» лақап атымен танымал Жұмагелдиев бейнеүндеуде өзіне тағылған айыппен келіспейтінін айтып, елі үшін әрекет еткенін жеткізді.

– Мені 2005 жылы оппозицияны сәтсіздікке ұшыратты, «Назарбаев жобасы», «ҰҚК жобасы» деп жүргендерге айтқым келеді. Мен 2005 жылы оппозицияға емес, жалған оппозиционерлер Жармахан Тұяқбайға, Болат Әбіловке, Қосановқа қарсы шықтым, – деді Жұмагелдиев.

Бұл әрекеті оның жеке саяси ұстанымы екенін атап өтті. Еске салайық, 7 қаңтарда Алматыдағы арнайы операция барысында «Дикий Арман» бастаған ұйымдасқан қылмыстық топтың алты мүшесі ұсталғаны хабарланды.

Қылмыскерлерден түрлі марка мен калибрлі 4 жартылай автоматты тапанша, оқ-дәрі, суық қару мен броньдалған көлік тәркіленді.