Депутат елде вейп сатуға тыйым салуды сұрады

Мәжілістің жалпы отырысында депутат Нұргүл Тау елде вейп сатуға тыйым салуды сұрады, деп хабарлайды Exclusive.kz.

Депутаттың пікірінше, вейп тұтыну балалар мен жастар арасында жоғары қарқын алған.

Нұргүл Тау елде вейптер мен оның басқа түрлерін сатуға толығымен тыйым салу мүмкіндігін қарастыруды ұсынды.

– Қазіргі кезде елімізде құрамында белгісіз химиялық заттар мен никотиннің едәуір мөлшері, вейптердің балалар мен жастар арасында жоғары қарқында таралуы эпидемия сипатында десек болады. Әсіресе, екі есе өсім 13-15 жас аралығындағы балалалар арасында байқалды. Жалпы вейпті алған балалар саны 1 миллионға жеткен. Бизнестің жоғары табысын ескерсек, вейп бойынша балалар мен жасөспірімдерге бағытталған маркетинг қолданылып келеді. Бұл тұрғыда вейптердің орташа бағасы 2 000 теңгеден аспайды. Жоғарыда айтылғандардың негізінде, депутаттық сауалда қойылған мәселелерді қарауға және елімізде вейптер мен оның басқа түрлерін сатуға толығымен тыйым салу мүмкіндігін қарастыру ұсынысын жасаймыз, – деді ол.

Фото: ашық дереккөз

• 44
• 47