Депутат жағдайы төмен отбасыларға 100 млрд теңге таратуды ұсынды

Мәжіліс депутаты Аманжан Жамалов бағаның өсуін тежеу үшін Үкімет 100 млрд теңгеге жуық қаражат бөлгенін хабарлады.

Бөлінген қаражаттың 81 млрд-ы сауда желілерін жеңілдікпен несиелеуге, тағы 16,8 млрд-ы тұрақтандыру қорларын қалыптастыруға жұмсалды.

– Нәтиже жоқ, бағалар көтерілді. Бұл ақшаны сауда желілеріне емес, тікелей халыққа таратқан дұрыс. Бізде 1 миллионға жуық кедей халық бар. Олар бағаның өсуінен көп зардап шегеді. Егер сіз бағаның өсуін тоқтата алмасаңыздар, халықты тікелей қолдаңыздар, әлеуметтік топтарға атаулы субсидиялар беріңіз. Бұл ақшаны сауда желілеріне таратудан гөрі көп пайда әкелетініне сенімдімін, – деді Жамалов Парламент палаталарының бірлескен отырысында.

Сондай-ақ, депутат Берік Дүйсембинов Мәжілістің жоғары Есеп палатасы ұрлық және сыбайлас жемқорлық фактілері бойынша парламенттік тергеп-тексерулер жүргізуге құқығы болуға тиіс екенін айтты.

• 47
• 46