Екібастұз қаласында ферроқорытпа өндіретін зауыт салынады

Үкімет басшысы Әлихан Смайыловтың төрағалығымен Экономиканы жаңғырту мәселелері жөніндегі мемлекеттік комиссияның кезекті отырысы өтіп, отырысқа қатысушылар Павлодар облысының Екібастұз қаласында ферроқорытпа өндіретін зауыт салу мәселесін талқылады, деп хабарлайды Exclusive.kz тілшісі.

– Қуаты жылына 80 мың тонна ферросилиций болатын жоба 520-дан астам тұрақты жұмыс орнын құруға және осы өнімнің Жапония, Оңтүстік Корея, АҚШ, Түркияға және Еуропа елдеріне экспортын ұлғайтуға мүмкіндік береді, – деп хабарлады Үкіметтің баспасөз қызметі.

Айта кетейік, жоба бойынша инвестиция көлемі 113 млрд теңгеден асады, пайдалануға беру мерзімі – 2025 жыл.

Фото: ашық дереккөз