Екібастұзда 29 жеке үй жылусыз қалды

Екібастұз қаласындағы 29 жеке үй жылусыз қалды. Бұл туралы Екібастұз қаласының әкімі Аян Бейсекин мәлімдеді.

— Жеке сектордағы сандар үнемі өзгеріп отырады. Өткен түнде бізде 38-ге жуық жеке тұрғын үй жылусыз қалды, енді 29-ын жылу жүйесіне қосу қалды.Жұмыс таңнан кешке дейін жалғасуда. 400-ге жуық адам жұмылдырылған. Жылыту мәселесі бойынша тұрғындардан көптеген сұрақтар туындайды. Көмек қолжетімді. Қазір жылумен жабдықтау жүйесін теңгерімдеумен айналысатын бес реттегіштер тобы бар, – деді Бейсекин.

Әкімнің айтуынша, орамішілік және үйішілік желілерде қысым мәселесі бар.

— Олар алдағы бірнеше күнде, мүмкін апталарда теңгерімдеу және баптау жұмыстарымен айналысады. Магистральдық желілерде параметрлер бар, бірақ орамішілік және үйішілік желілерде қысым мәселесі бар, – деп түсіндірді әкім.