Экс-депутат Нұржан Әлтаев сот залына жеткізілді

Астанада бұрынғы Мәжіліс депутаты Нұржан Әлтаевтың ісі бойынша алдын-ала тыңдау өтті, деп хабарлайды Exclusive.kz тілшісі.

Сотталушы Астана қаласының қылмыстық істер жөніндегі мамандандырылған ауданаралық сотының залына жеткізілді. Айта кетейік, қылмыстық іс 15 томнан тұрады, іс бойынша 18 куәгер бар.

Істі судья Айжан Құлбаева қарайды. Судьяның қаулысына сәйкес, Әлтаев Қылмыстық кодекстің 366-бабының 4-бөлігі бойынша аса ірі мөлшерде пара алды деген күдікке ілінген.

Еске салайық, 7 маусым күні Сыбайлас жемқорлыққа қарсы іс-қимыл агенттігінің баспасөз қызметі Әлтаевтың аса ірі көлемде пара алды деген күдікпен ұсталғанын хабарлаған еді.

Фото: ашық дереккөз