Экс-депутат жемқорларды өлім жазасына кесуді ұсынды

Абай облысы мәслихатының экс-депутаты Серік Байғалиев мемлекет басшысы Қасым-Жомарт Тоқаевқа хат жолдап, жемқорлықпен күресудің жаңа жолын ұсынды, деп хабарлайды Exclusive.kz.

Ratel мәліметі бойынша, Байғалиев ұсақ құқықбұзушылық жасағандардың мүлкін толық тәркілеп, 10 жылға соттауды ұсынған. Ірі көлемде ақша жымқырғандарды Сингапур мен Қытай соты секілді қатаң жазалау керектігін атап өтті. Бұл елдерде жемқорлар өмір бойына бас бостандығынан айырылып, кейбірі өлім жазасына кесіледі.

Экс-шенеунік Қазақстанда өлім жазасына тыйым салынғанын бірақ жазаны уақытша енгізу заңды толық жоюға қауқарлы екенін айтты.

Фото: ашық дереккөз