Энергетика министрі қазақ тілін үйрену үшін жарты жыл уақыт сұрады

Жаңадан тағайындалған Энергетика министрі Алмасадам Сәтқалиев журналистердің сұрақтарына жауап беріп тұрып, 6 ай ішіндк қазақ тілін толық меңгеруге уәде берді, деп хабарлайды Exclusive.kz.

– Кешіріңіз, әрине, мен ана тілімді білемін. Алайда маған тіл білу деңгейін жақсарта түсу керек. Осы орайда, жарты жыл уақыт беруді сұраймын. Сұрақтардың бәріне қазақ тілінде жауап беретін боламын. Кешірім сұраймын және 6 ай ішінде ана тілімде жақсы сөйлейтін боламын, – деді Алмасадам Сәтқалиев орыс тілінде.

Алмасадам Сәтқалиев 4 сәуір күні мемлекет басшысының Жарлығымен Қазақстан Республикасының Энергетика министрі лауазымына тағайындалды. Сәтқалиев 1970 жылы 31 қазанда Алматы қаласында дүниеге келген.

Фото: ашық дереккөз