Ерлан Қарин жаңа қызметке тағайындалды

Мемлекет басшысының Жарлығына сәйкес Ерлан Қарин Қазақстан Республикасының Мемлекеттік кеңесшісі лауазымына тағайындалды.

Бұл туралы Ақорданың баспасөз қызметі хабарлайды.

– Қазақстан Республикасы Конституциясының 44-бабының 19) тармақшасына сәйкес Ерлан Тынымбайұлы Қарин Қазақстан Республикасының Мемлекеттік кеңесшісі лауазымына тағайындалсын, — делінген Жарлықта.

Мемлекеттік кеңесшіні ел президенті тағайындайды және қызметінен босатады. Ол тек президентке есеп береді.

Мемлекеттік кеңесшінің міндеті:

ішкі саясат бойынша ұсыныстар әзірлеу;

білім, ғылым, мәдениет және спорт саласындағы қызметті үйлестіру;

саяси қуғын-сүргін құрбандарын толық ақтау; сыбайлас жемқорлыққа қарсы іс-қимыл; қоғамдық сананы жаңғырту; Ұлттық құрылтай және т. б. мәселелер бойынша комиссиялардың қызметін үйлестіру.

Мемлекеттік кеңесші әкімдіктер мен министрліктерге тапсырмалар беруге құқылы.

Фото ашық деректерден

• 71
• 69