Еуроодақ Қазақстаннан шығарылған активтерді қайтаруға көмектеседі

Қазақстан Республикасы Сыбайлас жемқорлыққа қарсы іс-қимыл агенттігінде Төраға Олжас Бектенов Орталық Азия бойынша арнайы өкіл Тери Хакал бастаған Еуроодақ делегациясымен кездесті. Бұл туралы агенттіктің баспасөз қызметі мәлімдеді.

Кездесу барысында Антикор басшысы 2022-2026 жылдарға арналған сыбайлас жемқорлыққа қарсы саясат Тұжырымдамасының негізгі бағыттарымен таныстырды. Атап айтқанда, тараптар заңсыз баю үшін заңнамалық жауапкершілікті енгізу және кірістер мен шығыстарды жалпыға бірдей декларациялау мәселелерін талқылады. Бизнесті қорғау мәселелері де талқыланды.

Дамудың маңызды векторы Қазақстанның сыбайлас жемқорлық үшін қылмыстық жауапкершілік туралы Еуропа Кеңесінің Конвенциясына қосылуға дайындығы атап өтілді. Естеріңізге сала кетейік, тиісті шақыру ағымдағы жылдың 1 шілдесінде келіп түсті.

– Агенттіктің еуропалық серіктестермен өзара іс-қимыл мәселелерінде ашықтығы мен дайындығын ерекше атап өткім келеді. Біз өз тарапымыздан Қазақстаннан Еуропаға шығарылған активтерді қайтару туралы сұраныстарға қолдау көрсетуге дайынбыз, – деп атап өтті Т. Хакала.

Фото ашық деректерден

• 44
• 46