Қазақстанда 2029 жылға қарай 20 жаңа түзеу колониясы салынады

Қазақстанда 2029 жылға қарай 20 жаңа түзеу колониясы салынады. Бұл туралы Ішкі істер министрі Ерлан Тұрғымбаев мәлімдеді.

Бұл туралы exclusive.kz хабарлайды.

— Алдағы 3 жылда (2022-2024 жж.) Алматы, Ақтөбе, Маңғыстау және Түркістан облыстарында 4 мекеме (түзеу мекемелері – ҚазТАГ) салу жоспарлануда. Жалпы 2029 жылға дейін 20 түзеу колониясын салу жоспарда бар. Олардың әрқайсысында сотталғандар үшін 1500 жұмыс орны бар индустриялық аймақтар болады, — деді Тұрғымбаев Мәжілістегі үкімет сағатында.

Бұл ретте ол соңғы 2 жылда толық техникалық тозуға байланысты тозығы жеткен 6 колония жойылғанын түсіндірді. Еске салайық министр бұған дейін полиция қызметкерлерінің жалақысы көтерілетінін және педофилдерге арнайы электронды білезіктер тағылатынын жеткізген еді.

Фото: time.kz