Тоқаев Самат Әбішті қызметінен босатты

Қасым-Жомарт Тоқаев Самат Әбішті ҰҚК төрағасының бірінші орынбасары қызметінен босату туралы бұйрыққа қол қойды. Бұл туралы Ақорданың ресми сайты хабарлады.

– Мемлекет басшысының өкімімен Самат Сатыбалдыұлы Әбіш Қазақстан Республикасы Ұлттық қауіпсіздік комитеті Төрағасының бірінші орынбасары лауазымынан босатылды, – делінген хабарламада.

Бұған дейін ҰҚК Самат Әбіштің өз орнында қалғанын, бірақ жыл сайынғы еңбек демалысында екенін айтқан еді.