Алматы қаласы әкімінің орынбасары тағайындалды

Алматы қаласының жақында тағайындалған әкімі Ерболат Досаев орынбасарларын ауыстырып жатыр.

Бүгін бұрынғы Денсаулық сақтау вице-министрі Әсем Нүсіпованы Алматы қаласы әкімінің орынбасары етіп тағайындады.

— ҚР Президенті әкімшілігінің келісімімен Алматы қаласының әкімі Ерболат Досаев Нүсіпова Әсем Бекқызын Алматы қаласы әкімінің орынбасары лауазымына тағайындады, – деп жазылған қала әкімдігінің хабарламасында.

Әсем Нүсіпова Алматы қаласында 1975 жылдың 1 мамырында дүниеге келген. Әл-Фараби атындағы ҚазҰУ-да «Экономика және менеджмент» мамандығы бойынша магистратура мен аспирантура тәмәмдаған.