Дариға Назарбаева депутаттық өкілеттігін тоқтатты — БАҚ

Дариға Назарбаева Мәжіліс депутаты өкілеттігін тоқтататынын мәлімдеді.

Бұқаралық ақпарат құралдарында жарияланған мәлімдемесінде Дариға Назарбаева қоғамдық, гуманитарлық, мәдени және қайырымдылық жұмыстарға назар аударуды жоспарлап отырғанын айтқан.

— Мен Nur Otan партиясына дауыс берген қазақстандықтарға, партияластарыма және ел басшылығына маған сенім білдіргені үшін ризамын.
Қаңтардағы қайғылы оқиғалар Қазақстан халқының бірлігі болмаса, еліміздің гүлденуі мен одан әрі дамуы болмайтынын көрсетті. Болған оқиға — халқымыздың үлкен қасіреті, — деп жазды Назарбаева.