Алматыда таза ауа үшін митинг өтті

Алматы тұрғындары санкцияланған митингке шығып, ЖЭО-ны газдандыруды жеделдетуді, демалыс күндері машиналарға арналған кейбір учаскелерді жабуды, қаланың нүктелік құрылысын тоқтатуды талап етті.

Алматылықтар Шевченко мен Уәлиханов көшелерінің қиылысында Ғылым Академиясы ғимаратының алдына жиналды.

Ұйымдастырушылар митингтің мақсаты — сарапшыларға, белсенділерге және жанашыр азаматтарға алаң ұсыну екенін айтты.

Митингке белсене қатысып, сөз алғандар экологияны жақсартуға бөлінетін қаражатты ұтымды пайдалануды талап етті.