Янукович Зеленскийге кеңес берді

Украинаның бұрынғы президенті Виктор Янукович қазіргі президент Владимир Зеленскийді кез келген жолмен қантөгісті тоқтатуға шақырды.

Януковичтің айтуынша, қақтығыстың барлық тараптары бейбіт келісімді күтуде.

— Мен сіздердің «кеңесшілеріңіз» көп екенін жақсы түсінемін, бірақ сіз қантөгісті тоқтатып, бейбіт келісімге келуге міндеттісіз. Сізден мұндай шешімді Украина, Донбасс және Ресей де күтеді. Сізге украин халқы мен Батыстағы серіктестеріңіз риза болады, — делінген экс-президенттің үндеуінде.

Ресей мен Украина делегацияларының келіссөздерінің үш раунды 28 Ақпанда, 3 және 7 наурызда Беларусь аумағында өтті. Екінші раунд барысында тараптар азаматтарды эвакуациялау, азық-түлік пен дәрі-дәрмек жеткізу үшін гуманитарлық дәліздерді бірлесіп қамтамасыз ету туралы түсінікке қол жеткізді.

Келіссөздердің төртінші раунды жақын арада өтеді, деді Думаның Халықаралық істер жөніндегі комитетінің басшысы және Мәскеу делегациясының мүшесі Леонид Слуцкий.