КХДР континентаралық баллистикалық зымыран ұшырды

КХДР континентаралық және АҚШ-тың ірі қалаларына шабуыл жасай алатын баллистикалық зымыран ұшырды.

КХДР бейсенбіде Ким Чен Ынның тікелей бұйрығымен Хвасон-17 құрлықаралық баллистикалық зымыранын сынағанын растады.

Сынақ барысында зымыран максималды ұшу биіктігі 6248 км болды. Зымыран ауада 71 минут болған.

Ким Чен Ын «Ұлттық қорғаныс күштері кез-келген әскери қауіп-қатерге қарсы тұра алатын үлкен әскери-техникалық мүмкіндіктерге ие болады және АҚШ-пен ұзақ уақытқа қарсыласуға дайын болады» деп атап өтті.

КХДР биылғы жылы зымырандарын 12-ші рет ұшырып отыр. «Хвасон-17» — бұл теориялық тұрғыдан екі-үш ядролық оқтұмсықты көтере алатын үш сатылы зымыран. Бұл арқылы КХДР АҚШ–тың ең ірі қалаларына бір уақытта шабуыл жасай алады.